| 今日收工去o左買六合彩。點知居然俾我中3個半字喎!
死啦~ 六合彩都俾我中到，會唔會有d 咩黑仔o野跟住發生o架............!?
|
| |
| 放假返到o黎，但我都係好唔想返工.................... 每日返工最期待可以早d 收工(我唔要日日都咁晏先走呀~)。成日流流長，下午o個短短一個鐘o既lunch time真係好緊要。o尋日公司又火警演習，呵呵~ 我o地12:12就放lunch喇~! 見時間尚早，我o地就去o左荷里活試新o野。 
終於等到收工，見落o左幾日雨，咁好彩可以早收工，仲要天晴，一於影低佢。 無意間發現天空有一度煙徐徐下落，可能係日落關係，度煙好似流星咁閃爍，好靚! 到今日收工，又俾我o係地鐵上遇到老延，於是大家一齊行。到o左青衣先發現出面個天出奇地紅，我又忍唔住要影低佢。個天咁紅，唔知係咪又要落雨呢.......!? 
|
| |
| 今晚上facebook發現o左d 好好笑o既o野......
(報告一下先，成績出o左 lu~! 個人時間係1:27:01)
|
| |
| 今朝4點15分就起身，皆因參加o左渣打馬拉松2009 o既十公里賽。由出門到起跑o個吓，個天都仲未光，但地鐵同維園一帶已經好熱鬧。真係戥附近d居民慘，天未光就俾人嘈醒。不過，又唔係成日o既，一年都係得呢日o者。
今日天氣好好，好o岩長跑。一路都跑得好舒服同輕鬆。所以都幾滿意自己表現，因為除o左o係水站拎水、同o係5km牌o個d 影過幾張相之外，自己都係keep住跑，雖則跑到蟻躝咁。呵呵~ 出一身汗，好舒暢~ 跑完仲要有蕉同香梨送。I like it~!!!
最後，緊要post返d 相啦~! (可惜因為用手提影，所以quality好差......)
|
| |
